Información para pescadores

Nesta páxina iremos poñendo información que considermos interesante para os aficionados á pesca fluvial, con especial atención ós ríos da comarca de A Estrada e arredores.

Se alguén quere informarnos sobre algo, facer algunha suxerencia ou simplemente un comentario, pode poñerse en contacto coa persoa que mantén esta páxina web: mavalla@retemail.es.

Períodos hábiles de pesca

Neste ano 2000 os periodos hábiles de pesca en Galicia foron do 19 de marzo ó 20 de agosto, excepto para algunhas especies.

No concello de A Estrada as excepcións foron as seguintes:

• Salmón: Do 15 de abril ó 23 de xullo nos coutos de Sinde e Couso (río Ulla). Había un límite de dez salmóns pescados para toda a temporada.
• Reo: Do 7 de maio ó 30 de setembro nos coutos de Sinde e Couso (río Ulla), e do 7 de Maio ó 20 de agosto con carácter xeral no resto dos ríos.
• Troita: Do 19 de marzo ó 20 de agosto; salvo nas masas de auga habitadas por salmón ou reo, nas que se apraza ata o 7 de maio o inicio da temporada.
• Lamprea: Do 10 de xaneiro ó 29 de abril no río Ulla.
• Saboga e sábalo ou xamborca: Do 7 de maio ó 30 de xuño, no tramo do Ulla comprendido entre o límite superior do couto de Sinde e a desembocadura. No restodos ríos non se autoriza a súa pesca

Dimensións mínimas e número de pezas autorizadas

Excepcionais son os casos dos coutos de Couso e Sinde (río Ulla), nos que a dimensión mínima para a troita é de 21 cm. e a cota de exemplares capturados de 12.

Dende aquí emplazamos a tódolos aficionados á pesca a que respeten estas cantidades dado que é a única forma de manter estas especies nos nosos ríos, aínda que sabemos que non son eles os responsables desta situación. De igual xeito, pensamos que a pesca sen morte é unha modalidade moi interesante e igualmente satisfactoría para o aficionado.

Outras páxinas de interese para os pescadores

Aquí amosamos outras páxinas que poden ser interesantes para os aficionados á pesca.

- Pescando la trucha en Ourense:

http://www.arrakis.es/~fedms/our85.htm
Interesantísimo enlace, con moita información sobre a pesca en Galicia e sobre todo na provincia de Ourense. Podemos obter unha descrición dos coutos desa provincia, das especies que se pescan en Galicia, da lexislación galega e moitas cousas máis.
Sen dúbida, a mellor fonte de información para un pescador de río galego.

- Cotos de pesca

http://www.cotosdepesca.com
Web no que se describen moitísimos dos coutos de pesca de España. Inclúe información sobre os coutos e comentarios dos aficionados.

- Anzuelo y Sedal

http://www.anzueloysedal.com
Páxina web da famosa revista de pescadores Anzuelo y Sedal. Hai moitos artigos publicados online e é unha interesante fonte de información.

- Asociacion para el Estudio y Mejora de los Salmonidos (AEMS)

http://www.arrakis.es/~aems/
Páxina web desta asociación.